Հետաքրքիր է

Գիտնականները պարզել են, թե երբ է Հոմո սափիենսը՝ բանական մարդն սկսել տարանջատվել առանձին խմբերի, որոնք էլ հետագայում վերաճել են ռասաների: Պարզվել է, որ մադկությունն սկսել է մաշկի տարբեր երանգներ ընդունել 260 հազար տարի առաջ:
     Ժամանակակից մարդուց անատոմիապես չտարբերվող մարդկանց հնագույն մնացորդները հայտնաբերվել են ժամանակակից Մարոկկոյի տարածքում, դրանք շուրջ 300 հազար տարեկան են: Ժամանակակից մարդկանց մեջ հնագույն ԴՆԹ-ն ունեն բուշմենները:

Աֆրիկյան այս փոքրաթիվ ցեղն այնքան է տարբերվում եվրոպոիդներից ու նեգրոիդներից, որ նրանց հատկացրել են մի առանձին ռասա՝ կապոիդյան: Նրանք առանձնացել են մնացյալ մարդկությունից 100-160 հազար տարի առաջ:
     Ըստ այդմ, մարդկության բաժանումը ռասաների հետ է մղվում 100-200 հազար տարով: Դա տեղի է ունեցել նախքան Հոմո սափիենսի՝ Աֆրիկայի տարածքը լքելը և Մերձավոր Արևելքում ու Եվրոպայում հաստատվելը: