Չինաստանում հնագետները հայտնաբերել են կայսերական պալատ, որը հնագույնն է երկրի տարածքում: Համալիրը կառուցվել է մոտ 4 հազար տարի առաջ, ներկայիս Շանսի նահանգում: Պալատի հիմքերը գրեթե ամբողջությամբ պահպանվել են: Դա եղել է լավ մտահղացված պաշտպանական կառույց, ունեցել է ուղղանկյուն ձև, արևելքից արևմուտք երկարությունը կազմել է 470 մ, հյուսիսից հարավ՝ 270 մ: Ընդհանուր մակերեսը՝ 130 հազար քառ. մ:
Ըստ մասնագետների՝ այստեղ եղել են ծաղկուն բնակավայրեր Ք. ա. 2600-1600 թվականներին: