Պուերտո Ռիկոյի բնակիչները հանրաքվեի ընթացքում քվեարկել են կղզու համար քաղաքական նոր կարգավիճակի օգտին։ Հանրաքվեի մասնակիցների մեծամասնությունը կողմ է աևտահայտվել, որ երկիրը ներառվի ԱՄՆ կազմում ու դառնա այդ երկրի 51-րդ նահանգը:
Ինչպես հայտնում է Reuters-ը, տեղացիներին առաջարկվել է երկրի քաղաքական ապագայի վերաբերյալ 3 տարբերակ՝ ԱՄՆ նահանգ, ազատ ասոցացված տարածք կամ չներառված տարածք, որն այժմ իրենից ներկայացնում է Պուերտո Ռիկոն:
Աղբյուրը մանրամասնում է, որ հանրաքվեի արդյունքների համաձայն՝ քվեարկողների 97%-ը կողմ է արտահայտվել, որ կղզին պաշտոնապես ներառվի Միացյալ Նահանգների կազմում:
Հանրաքվեի արդյունքները պետք է իրավաբանորեն ամրագրվեն Կոնգրեսի կողմից: Հատկանշական է, որ Միացյալ Նահանգների արդարադատության նախարարությունը չէր աջակցել հանրաքվեի անցկացմանը: