Ռուսաստանի ըմբշամարտի ֆեդերացիայի նախագահ Միխայիլ Մամիաշվիլին մեկնաբանել է երեկ մամուլում տարածված լուրերն այն մասին, որ Միհրան Հարությունյանը Մոսկվայում ծեծկռտուքի մասնակից է եղել, որն ավարտվել է կրակոցով։
«Նա արդեն մի քանի տարի է, ինչ տեղափոխվել է Հայաստան։ Այնտեղ ապրում է և Հայաստանի դրոշի տակ է հանդես գալիս։ Նա Ռիոյի օլիմպիական խաղերի մեդալակիր է՝ Հայաստանի դրոշի տակ։ Մարզիկը պետք է հավաքների մեջ լինի, մարզվի և մրցումների մասնակցի, ոչ թե զենքով վազվզի քաղաքում»,- նշել է Մամիաշվիլին։