Հարվարդի համալսարանի հետազոտողները բացահայտել են, որ կանանց կողմից սիրված որոշ մթերքներ բացասաբար են ազդում նրանց իսկ հոգեկան վիճակի վրա՝ առաջացնելով ընկճախտի հակվածություն։ Որքան հաճախ է կինն օգտագործում կիսաֆաբրիկատներ ու մակարոնեղեն, այսինքն՝ արագ յուրացվող ածխաջրեր պարունակող մթերքներ, ավելի հաճախ է բախվում դեպրեսիայի։ Իսկ եթե կանայք սննդակարգում ներառում են ձկնեղեն, մրգեր ու բանջարեղեն, ընդեղեն, բուսայուղ և այլն, ավելի լավ տրամադրություն են ունենում և կայուն հոգեվիճակ։