«Յուվենթուս»-ի պաշտպան Դանի Ալվեսը պայման է դրել ակումբի առջև։ 34-ամյա բրազիլացին խնդրել է ակումբին իր հետ մինչև 2019 թվականը պայմանագիր կնքել, հակառակ դեպքում նա ամռանը կլքի ակումբը։ Ալվեսի ծառայություններով հետաքրքրված են «Չելսի»-ն, «Մանչեսթր Սիթի»-ն և չինական մի շարք ակումբներ։ Նշենք, որ Ալվեսն այս մրցաշրջանում մասնակցել է 33 հանդիպման՝ դառնալով 6 գոլի և 7 գոլային փոխանցման հեղինակ։