Հունիսի 8-ին Մյանմայի օդային տարածքում անհետացած ռազմական օդանավի բեկորներն ու զոհերի մարմինները հայտնաբերվել են ծովում։ Այս մասին հայտնում է The Guardian-ը՝ հղում անելով ռազմական իր աղբյուրներին:
«Մենք ծովում հայտնաբերել ենք անհետացած օդանավի բեկորներն ու մի քանի դի»,- հայտնել է Մյանմայի բանակի հրամանատար Մին Աուն Հլաինգը:
Հիշեցնենք, որ Մյանմայի հարավային ափից դեպի Յանգոն ուղևորվող օդանավը, որում եղել է 122 մարդ՝ այդ թվում 15 երեխա, ծովի վրայով թռչելու ժամանակ անհետացել էր ռադարներից: