«Իսլամական հեղափոխության պահապանների կորպուս»-ը հայտարարություն է տարածել՝ մեղադրելով Սաուդյան Արաբիային՝ Իրանի խորհրդարանի և իմամ Հոմեյնիի դամբարանի վրա իրականացված զինված
հարձակումներին մասնակցություն ունենալու համար: «Ահաբեկչությունը տեղի ունեցավ ԱՄՆ նախագահի ու այն երկրների ղեկավարների հետ հանդիպումից մեկ շաբաթ անց, որոնք աջակցում են ահաբեկիչներին: Այն, որ ԴԱԻՇ-ն
ստանձնել է պատասխանատվությունն, ապացուցում է, որ սաուդացիները ներգրավված են դրանում»,- ասված է հայտարարության տեքստում, փոխանցում է РБК-ն:
Հիշեցնենք՝ Իրանում ահաբեկչության զոհերի ընդհանուր թիվը հասել է 12-ի․ բոլոր ահաբեկիչները ոչնչացվել են: