Իրանի շտապ բժշկական ծառայության կենտրոնի ղեկավարի հաղորդմամբ՝ երկու ահաբեկչական հարձակումների հետևանքով զոհվել է 12 մարդ, 42 մարդ վիրավորվել է:
Խորհրդարանում գտնվող բոլոր 4 ահաբեկիչները սպանվել են, հայտնում է Mehr գործակալությունը: Առավոտյան 10:15-ին սկսված ահաբեկչական գործողությունն ավարտվել է մոտ հինգ ժամ անց:
Գործակալությունը հայտնում է, որ անվտանգության ուժերն այժմ հարձակումների հետևանքների վերացման գործողություն են իրականացնում խորհրդարանի շենքում:
Երկրի ներքին գործերի փոխնախարար Հոսեյն Զոլֆաքարին էլ հայտնել է, որ ահաբեկիչները խորհրդարան էին մտել կանանց հագուստով: