ԴԱԻՇ ահաբեկչական խմբավորումն իր վրա է վերցրել Իրանի խորհրդարանի և իմամ Հոմեյնիի դամբարանի վրա իրականացված զինված հարձակումների պատասխանատվությունը: Այս մասին հաղորդում է «Ալ-Արաբիա»-ն:
Հիշեցնենք, որ խորհրդարանի շենքի վրա հարձակման հետևանքով զոհվել է առնվազն 1 մարդ, վիրավորների թիվը հասնում է 8-ի: Ըստ Fars լրատվականի` խորհրդարանի վրա հարձակվողներից մեկը մահապարտ է, ով գտնվում է իրավապահների շրջափակման մեջ: Խորհրդարանի վրա հարձակվել է 3 մարդ:
Իմամ Հոմեյնիի դամբարանում հարձակման հետևանքով զոհվել է 1 մարդ, վիրավորվել՝ 5-ը: Դամբարանի վրա հարձակվածներից մեկը պայթեցրել է իրեն: 2 մարդ, ըստ վերջին տվյալների, ձերբակալվել է: