Թուրքիայի Իզմիր քաղաքի հանրապետական դատարանի թույլտվությամբ երեկ ձերբակալվել է Amnesty International միջազգային իրավապաշտպան կազմակերպության Թուրքիայի գրասենյակի հիմնադիր և ղեկավար Թաներ Քըլըչը, հայտնում է թուրքական «Էվրենսել» պարբերականը:
Քըլըչը կասկածվում է կրոնական քարոզիչ Ֆեթուլլահ Գյուլենի և նրա թիմակիցների հետ համագործակցության համար:
Հայտնի է, որ գրասենյակի ղեկավարի հետ միասին ձերբակալվել է նաև 22 իրավապաշտպան:
Կազմակերպության կենտրոնական գրասենյակը, սակայն, շտապել է հերքել այս մեղադրանքներն ու հայտարարելով ապացույցների անբավարարության մասին՝ կոչ արել ազատ արձակել Քըլըչին և մյուս իրավապաշտպաններին: