Թուրինի «Յուվենթուս»-ի գլխավոր մարզիչ Մասիմիլիանո Ալեգրին նոր պայմանագիր կկնքի ակումբի հետ, որը նախատեսված կլինի մինչև 2019 թվականը։ Այս մասին հայտնում է իտալական մամուլը։ Ավելի վաղ նշվում էր, որ մարզչի ծառայություններով հետաքրքված է ՊՍԺ-ն, սակայն Ալեգրին որոշել է մնալ «Յուվենթուս»-ում։ Սպասվում է, որ պայմանագրի երկարաձգման մասին պաշտոնապես կհայտարարվի մոտ ժամանակներս։