Բաղդադի ավտոկայանատեղիներից մեկում այսօր որոտացած պայթյունի հետևանքով 3 մարդ է տուժել, փոխանցում է РИА Новости գործակալությունը:
Երեկ երեկոյան էլ մեկ այլ պայթյուն է որոտացել Բաղդադի Կարադա Շրջանում` պաղպաղակի խանութի մոտ: Պայթյունի հետևանքով զոհվել է 16 մարդ, վիրավորվել` առնվազն 46-ը: Պայթյունն իրականացրել է մեքենայով անցնող մահապարտ ահաբեկիչը: Այս ահաբեկչության պատասխանատվությունն ստանձնել է ԴԱԻՇ-ը:
Իսկ Բաղդադի կենտրոնում` կենսաթոշակների տրամադրման գրասենյակի մոտ այս առավոտ տեղի ունեցած պայթյունի հետևանքով զոհվել է առնվազն 11 մարդ: Այստեղ վիրավորների թիվը հասնում է 17-ի: