Ապրիլի 2-ին` Ազգային ժողովի ընտրությունների օրը, Կոնդ թաղամասում Հանրապետական կուսակցության պատգամավոր Հակոբ Բեգլարյանի նախընտրական շտաբի մոտ բռնությամբ լրագրողների աշխատանքը խոչընդոտելու գործով վաղը կկայանա առաջին դատական նիստը: Այն տեղի կունենա Կենտրոն և Նորք-Մարաշ վարչական շրջանների ընդհանուր իրավասության դատարանում, դատավոր Գագիկ Պողոսյանի նախագահությամբ։
Հիշեցնենք՝ Կոնդ թաղամասում ՀՀԿ-ական պատգամավորի շտաբի աշխատակիցները խոչընդոտել էին Araratnews.am-ի լրագրող Շողիկ Գալստյանի և «Ազատության» թղթակից Սիսակ Գաբրիելյանի աշխատանքը, վիրավորել և քաշքշել լրագրողներին: