ՀՀ ԶՈւ գլխավոր շտաբի պետ Մովսես Հակոբյանն այսօր լրագրողների հետ զրույցում տեղեկացրել է, որ Արցախում մայիսի 8-ին ջրահեղձ եղած զինծառայողների միջադեպից հետո պաշտոնից հեռացվել են զորամասի հրամանատարն ու նրա երկու տեղակալները, իսկ մի շարք զինծառայողներ կարգապահական տույժի են ենթարկվել:
Ավելի վաղ տեղեկացրել էինք, որ մայիսի 8-ի առավոտյան ՊԲ հյուսիսային ուղղությամբ տեղակայված զորամասերից մեկում տեղի է ունեցել դժբախտ պատահար:
Ճանապարհատրասնպորտային պատահարի հետևանքով, զորամասին հարակից ջրամբարում ջրահեղձ են եղել ՊԲ զինծառայողներ Ռուբեն Մնացականի Բարսեղյանը (ծնվ. 1998թ.), Ռաֆայել Արթուրի Բիշարյանը (ծնվ. 1997թ.) և Ռուբեն Հովհաննեսի Մնացականյանը (ծնվ. 1998թ.): Որոնողական աշխատանքների արդյունքում հայտնաբերվել էին միայն Ռուբեն Բարսեղյանի և Ռաֆայել Բիշարյանի մարմինները: