Որքան էլ որ դժվար է հավատալ, այս լուսանկարում, պատկերված անապատային տարածքի տեղում ընդամենը 2 տարի առաջ գեղեցիկ լիճ է եղել, որը կարևոր դեր է խաղացել տեղի բնակչության համար: Ատեսկատեմպա լիճը, որը գտնվել է Գվատեմալայի հարավում, հայտնի է եղել իր լայնամասշտապ, կապտականաչ ջրերով, որոնց շնորհիվ ծաղկել է ձկնորսությունն ու զբոսաշրջությունը: Սակայն տևական երաշտը լճից թողել է միայն մի քանի կեղտոտ ջրափոս խխունջներով պատված անապատային այս տարածքում: Տարածաշրջանում ապրող բնակիչներն այժմ երաշտից առաջացած սովի առաջ են կանգնել: Համարվում է, որ լճի ցամաքելը կլիմայական պայմանների փոփոխության և անպատասխանատու ջրօգտագործման հետևանք է: