Շատ շուտով աճուրդի կհանվի մեքենա, որը մեծաթիվ փորձագետների կողմից ճանաչվել է լավագույնը մարդու կողմից ստեղծված բոլոր ավտոմեքենաների շարքում: Այս մեքենան պարզապես հարուստ ու հայտնի չէ, այն իսկական լեգենդ է՝ ցանկացած կոլեկցիոների երազանքը և անշուշտ, շատ թանկ արժե: Այն եզակի Talbot-Lago T150C SS-ն է, որից արտադրվել է ընդամենը 14 օրինակ: Առաջին անգամ թողարկվել է հեռավոր 1937-ին «Figoni et Falaschi»-ի ֆրանսիացի վարպետների ձեռքերով: Թողարկման պահին իսկ մեքենան ոչ միայն անհավանական շքեղ է համարվել, այլև առաջադիմական, ունեցել է հիանալի ընթացային հատկանիշներ:
Նշենք, որ մեքենան վերջին 15 տարում առաջին անգամ է աճուրդի հանվում:
