«Փոքր ժամանակ, երբ ասում էին՝ բալետ, մտածում էի` ամոթ է». Ռուդոլֆ Խառատյանը բեմ կբարձրացնի աշխարհահռչակ շանսոնյեին նվիրված բալետը
 «Դեռ մանկուց բոլորս գիտենք ու ոգևորված ենք Շառլ Ազնավուր երևույթով, ով դուրս է եկել ժամանակից և դարձել է հավերժություն իր արվեստով»:  «Լա Բոհեմ» ներկայացման փորձերից Ժամանակակից մտածելակերպ դասականի հետ. բեմում կհայտնվեն հեծանվորդներ, հետո ակրոբատներ... բեմում փարիզյան եռուզեռն է այսօրվա մոտեցմամբ, բայց հանկարծակիությունը բեմում ներկայացված է ոչ թե շոկի մեջ դնելու հանդիսատեսին, այլ ներգրավելու այն երիտասարդին, ով վաղվա հանդիսատեսն է լինելու: «Այսօրվա բալետն ավելի սպորտային է, ֆիզիկական պատաստակամություն է պահանջում, և այդ ամենը ճիշտ ներկայացնելու ձևեր կան: Մենք պետք է մեր հանդիսատեսը պատրաստենք ու նա ցանկություն ունենա գալ թատրոն»: Ռուդոլֆ Խառատյանը հիշեց, որ երբ ինքը երիտասարդ էր, զզվում էր «Կարապի լճից», երբ փոքր էր, ասում էին` բալետ, մտածում էր` ամոթ է. «Հետո հասկացա ու դաստիարակվեցի: Հիմա մեր երիտասարդներին պետք է իմպուլս տալ, որ նրանք սկսեն սիրել բալետը»,- կարծում է նա: Մայիսի 29-ին Ա. Սպենդիարյանի անվան ազգային ակադեմիական թատրոնում կկայանա երկար սպասված ու նախադեպը չունեցող, Շառլ Ազնավուրին նվիրված «Լա Բոհեմ» բալետային ներկայացման պրեմիերան, որին ներկա կլինի նաև ինքն` աշխարհահռչակ շանսոնյեն: «Վստահ եմ, որ այն կդառնա Օպերային թատրոնի խաղացանկի հիանալի համալրումը, ինչպես նաև կլինի մի նոր ու հմայիչ դրսևորում պարի աշխարհում»,- կարծում է թատրոնի գեղարվեստական ղեկավար, ՌԴ վաստակավոր արտիստ Կոնստանտին Օրբելյանը:  «Լա Բոհեմ» ներկայացման փորձերից Անի Մնացականյան |
