Վայրի բնության և հատկապես թունավոր սողունների ուսումնասիրությամբ զբաղվող Նիքն իր նկարահանումներից մեկի ընթացքում երկար ժամանակ որոնել է բոժոժավոր օձի, սակայն այդպես էլ չի գտել: Երբ Նիքը հոգնել է ու նստել ընդմիջման՝ օձն ինքն է դուրս եկել թփերի արանքից ու բարձրացել նրա ոտքերի վրա: Թեև տեսանյութի հերոսը գիտեր, որ օձն իրեն չի կծի, եթե նրան չհրահրի, այնուամենայնիվ, խոստովանել է, որ որոշակի վախ զգացել է:
«Ամենաթունավոր օձերից մեկի հետ այս հանդիպումը բնավ էլ ամենահաճելիներից չէր ու ինձ մի պահ անակնկալի բերեց, բայց, բարեբախտաբար, ես չտուժեցի»,- ասել է Նիքը:
