«Պորտու»-ի դարպասապահ Իկեր Կասիլյասը կարող է տեղափոխվել «Լիվերպուլ»։ Բացի այդ, դարպասապահի ծառայություններով հետաքրքրված են թուրքական, չինական և քաթարական ակումբները։ Սակայն Չեմպիոնների լիգայի խաղարկությունում հանդես գալու հնարավորությունը կարևոր է Կասիլյասի համար, ուստի նա, հավանաբար, կընտրի «Լիվերպուլ»-ը։ Հիշեցնենք, որ 36-ամյա դարպասապահի՝ «Պորտու»-ի հետ պայմանագիրը նախատեսված է մինչև այս տարվա հունիս։