ԴԱԻՇ ահաբեկչական խմբավորումն իր վրա է վերցրել Մեծ Բրիտանիայի Մանչեսթր քաղաքում իրականացված ահաբեկչության պատասխանատվությունը։ Այս մասին հայտնում է ТАСС լրատվական գործակալությունը: Նշվում է, որ ըստ վերջին տվյալների, ահաբեկչության զոհերի թիվը 19-ից հասել է 22-ի:
«Մանչեսթր արենա» փակ մարզադաշտում պայթյունը որոտացել է տեղի ժամանակով 22:35-ին (01:35)` ամերիկացի երգչուհի Արիանա Գրանդեի համերգի ավարտից անմիջապես հետո: Ռումբը պայթել է համերգային դահլիճից դուրս` ֆոյեում: