Հետաքրքիր է

Էվերեստի գագաթը բարձրանալու երթուղու ամենահայտնի կետերից մեկը՝ գրեթե ուղղահայաց Հիլարի թեքությունը, փլուզվել է, ինչի հետևանքով մոլորակի ամենաբարձր լեռան գագաթը նվաճելը դարձել է առավել դժվարին ու վտանգավոր: Լանջն այդպես էր կոչվել նորզելանդացի լեռնագնաց Էդմունդ Հիլարիի անունից: 13-մետրանոց լանջը բաղկացած էր ձյունից ու սառույցից, որոնք լեռնագնացները պետք է անցնեին մեկ առ մեկ:

Հնարավոր է, որ փլուզման պատճառը եղել է 2015-ին Նեպալում տեղի ունեցած աղետալից երկրաշարժը, որը խլեց ավելի քան 8000 մարդու կյանք: Ստորգետնյա ցնցումները սողանքներ ու ձնահյուսեր էին առաջացրել նաև Էվերեստի գագաթին:

Թե փլուզումից հետո ինչպես պետք է կազմակերպվի վերելքը դեպի լեռան գագաթ, դեռ պարզ չէ: