Աշխաբադում ինքնասպան է եղել Թուրքմենստանի նախարարների կաբինետի նախագահի տեղակալ Բաթիր Էրեշովը: Ինչպես հաղորդում են տեղի ԶԼՄ-ները, նա ինքնասպանություն է գործել կախվելու միջոցով:
Փոխվարչապետի ինքնասպանությունը տեղի է ունեցել մայիսի 3-ին, բայց դրա մասին հայտնի է դարձել միայն այժմ:
Բաթիր Էրեշովն զբաղվել է արդյունաբերական հարցերով: Ենթադրվում է, որ նա եղել է քրեական գործերից մեկի ֆիգուրանտ, որը հարուցվել է Թուրքմենստանում ծավալված հակակոռուպցիոն արշավի ընթացքում: Գործի շրջանակներում ապրիլի վերջին ձերբակալել են նաև նրա որդուն: