Բիլբաոյի «Աթլետիկ»-ի նախկին գլխավոր մարզիչ Էրնեստո Վալվերդեն կգլխավորի «Բարսելոնա»-ն։ Այս մասին հայտնում են իսպանական ԶԼՄ-ները։ 53-ամյա մասնագետն ընդունել է կատալոնական ակումբի առաջարկը։ Կատալոնացիների նախագահ Խոսեպ Մարիա Բարտոմեուն արդեն հայտնել է ֆուտբոլիստներին, որ նոր մարզիչը կգլխավորի ակումբը հունիսի 30-ից։ Հիշեցնենք, որ Վալվերդեն գլխավոր մարզչի պաշտոնում կփոխարինի Լուիս Էնրիկեին, ով մարտի սկզբին հայտարարել է մրցաշրջանի ավարտին պաշտոնը լքելու մասին։