Խնդրում ենք սպասել...
Այսօր`  երկուշաբթի, 25 սեպտեմբերի, 2017 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
9.00%

Իրադարձություններ

«ԱԺ նախագահը ձերն է, վարչապետը ձերն է, դատախազությունը ձերն է, ինչո՞ւ չեք ուզում մարդու իրավունքների հանձնաժողովը «Ելք»-ին տալ»․ Արամ Սարգսյան

15:15, ուրբաթ, 19 մայիսի, 2017 թ.
«ԱԺ նախագահը ձերն է, վարչապետը ձերն է, դատախազությունը ձերն է, ինչո՞ւ չեք ուզում մարդու իրավունքների հանձնաժողովը «Ելք»-ին տալ»․ Արամ Սարգսյան
     Ինչպես արդեն հայտնել էինք, Ազգային ժողովը քննարկում է մշտական հանձնաժողովների ձևավորման հարցը։ ՀՀԿ-ն առաջարկում է, որ մշտական հանձնաժողովների թիվը 12-ից կրճատվի 9-ի: Հարցի հիմնական զեկուցող Հրայր Թովմասյանն ասաց, որ մի քանի հանձնաժողովներ մոտ են իրար ոլորտներով, ուստի դրանք կմիավորվեն և կդառնան մեկ հանձնաժողով․ խոսքը մարդու իրավունքների պաշտպանության և հանրային հարցերի հանձնաժողովի մասին է, որն առաջարկվում է միավորել պետաիրավական հարցերի հանձնաժողովին։
     Երկու իրար մոտ ոլորտներ են նաև առողջապահության և սոցիալական հանձնաժողովները:
     Երրորդ վերամիավորված հանձնաժողովներն են լինելու գյուղատնտեսության ու տեղական կառավարման հանձնաժողովները:
     «Ելք» դաշինքից Արամ Սարգսյանը նկատեց՝ եթե 6 հանձնաժողով պետք լիներ, կհիմնավորեին, որ պետք է 6 լինի։ Անկախ նրանից՝ մարդու իրավունքների հանձնաժողովը կլինի, թե ոչ, իրենք պայքարելու են մարդու իրավունքների համար։ «Լավ, նախագահը ձերն է, վարչապետը ձերն է, դատախազությունը ձերն է, ի՞նչ մտավախություն ունեք, ի՞նչն է խանգարում, ի՞նչ է անելու «Ելք»-ը, որ այդ հանձնաժողովն իրենը լինի։ Հանձնաժողովը «Ելք»-ին տալով՝ ՀՀ-ն էդ ոլորտում կունենա լուրջ առաջընթաց։ Էս էն թեման է, որ կբարձրաձայնվի աշխարհով մեկ։ Կանեք՝ ապրեք, չեք անի՝ ձեր գործն է, մենք էլի պաշտպանելու ենք մարդու իրավունքները»,- ասաց Սարգսյանը։
     Ավելի վաղ ելույթ էր ունեցել նաև դաշինքի պատգամավոր Ա․ Զեյնալյանը՝ կրկին համոզմունք հայտնելով, որ մարդու իրավունքների հանձնաժողովի կրճատման պատճառը «Ելք»-ին հանձնաժողովի նախագահի պաշտոն չտալն է։
2478 | 1
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am
vrejin hay
vrejin hay 15:28, 19.05.2017
Ba de chisht en asum tveq
Meka elqn el a dzer@....inchits eq vaxrnum :-)))))))
Teasaq inch dzev elq@ gtan....serzhi vor@ mtneli
Dazhe sharmazanovn e histsel
Dranq el nents en irents patarotum