Իրադարձություններ

     Սերժ Սարգսյանը երեկ ԱԺ-ում խոսում էր Հայաստանն օրենքի երկիր դարձնելու մասին, կստացվի՞՝ դիմելով հանրապետական պատգամավոր, ԴԱՀԿ նախկին պետ Միհրան Պողոսյանին՝ հարցրին լրագրողները։ «Աշխատում ենք, որ մի օր դառնա 100 տոկոսանոց օրենքի երկիր»։ Ինչ վերաբերում է դիտարկմանը՝ խորհրդարանում հայտնված պատգամավորներից շատերն իրենց տեղում չեն, ասաց՝ ժողովուրդը տվել է իր գնահատականն՝ ով հայտնվի ԱԺ-ում, ով՝ ոչ, և որևէ մեկն իրավունք չունի կասկածի տակ դնել ժողովրդի ձայնը։ «Այստեղ գտնվում են մարդիկ, որ ժողովրդի ձայնը բարձրացնողն են։ Պետք է թողնել ինտրիգները և գնալ առաջ, պետք է հասկանալ, որ այսօր ունենք անելիքներ, ձևավորված է ԱԺ, որը լիազորված է ժողովրդի կողմից․․․ Եթե շարունակեք պրովոկացիա անել, ինտրիգների դաշտում աշխատել, այդ ամենը ոչ մի լավ բան չի բերի»,- դիմելով լրագրողներին՝ ասաց Պողոսյանը։