Օրերս հայտնի է դարձել, որ Հայաստանի ըմբշամարտի ֆեդերացիայի նախագահ Սամվել Կարապետյանը հրաժարական է տվել պաշտոնից և այլևս չի ֆինանսավորի ֆեդերացիան։ Ասում են` պատճառը ոչ միայն Գագիկ Ծառուկյանի հետ ընդհանուր լեզու չգտնելու հարցն է, այլև վերջերս տարածված լուրերն այն մասին, որ Ռիոյից մեդալներով վերադարձած ըմբիշները չեն ստացել իրենց աշխատավարձերը և պարգևավճարները։ Թեև լուրերի տարածման նույն օրը ֆեդերացիայի ներկայացուցիչները և անվանի ըմբիշները հերքեցին ամենը՝ որակելով դա հեյրուրանք, այնուամենայնիվ, ասում են, որ լուրերը լիովին սուտ չեն եղել։ Ռիոյից հետո ըմբիշներն ստացել են իրենց աշխատավարձերը և պարգևավճարները, սակայն 2017-ի սկզբից ֆինանսավորումը զգալի նվազել է։ Բացի այդ, խոսակցություններ կան, որ խնդիրները միայն ըմբշամարտի հետ կապված չեն։ Կարապետյանը Ծառուկյանի հետ «լեզու չի գտնում» նաև բիզնեսի ոլորտում՝ ցանկանալով դոմինանտի դերում լինել։