Հնդկաստանում հղիության 28-րդ շաբաթում ծնված երեխան դարձել է աշխարհի ամենափոքր պացիենտն, ով սրտի վիրահատություն է տարել: Ռաջասթանում ծնված տղան ծննդաբերությունից հետո 470 գրամ է կշռել, ձեռքի ափի չափ է եղել ու այնքան փխրուն, որ բժիշկները վախեցել են նույնիսկ դիպչել նրան: Աչքերը դեռ փակ են եղել, թոքերը՝ թերաճ, մաշկը՝ թղթի նման: Չնայած այս ամենին՝ ծնվելուց 2 շաբաթ անց որոշում է կայացվել նրան վիրահատելու, քանի որ նրա մոտ ի հայտ են եղել շնչառական խնդիրներ, նաև ունեցել է սրտային 2 գլխավոր անոթների սերտաճում: Սովորաբար այս 2 անոթները միացված են լինում ներարգանդային կյանքում, իսկ ծնվելու պահին դրանք ձևափոխվում են աորտայի ու թոքային զարկերակի: Եթե դա տեղի չի ունենում, ապա երեխան պետք է անցնի դեղորայքային բուժման փուլ, ծայրահեղ դեպքում՝ ենթարկվի վիրահատության:
Նման անհաս երեխային վիրահատելը չափազանց բարդ խնդիր է եղել, նրա ամեն մի օրգան եղել է թերզարգացած ու սովորական նորածնի օրգաններից 10 անգամ փոքր: Վիրահատությունն արվել է ինտենսիվ թերապիայի բաժանմունքում՝ հատուկ փոքրացված գործիքներով: Այն, որ երեխան ողջ է մնացել, հրաշք են համարում անգամ բժիշկները:
