Միացյալ Նահանգերի Կոնգրեսի Ներկայացուցիչների պալատը Սիրիայի նախագահ Բաշար Ասադին աջակցելու համար Ռուսաստանի և Իրանի դեմ նոր պատժամիջոցներ սահմանելու մասին օրինագիծ է ընդունել:
«Ասադի՝ մարդկության դեմ իրագործած հանցագործությունները չեն կարող անպատիժ մնալ: Նոր պատժամիջոցների օգնությամբ մենք կշարունակենք ճնշում գործադրել սիրիական ռեժիմի ու դրա ամենաակնառու աջակիցների՝ Ռուսաստանի և Իրանի նկատմամբ»,- նշել է Ներկայացուցիչների պալատի նախագահ Փոլ Ռայանը:
Ներկայացուցիչների պալատի ընդունած օրինագիծը պետք է ներկայացվի Սենատի քննարկմանն, ապա հաստատվի ԱՄՆ նախագահ Դոնալդ Թրամփի կողմից: