Նորընտիր Ազգային ժողովի առաջին նիստին մասնակցում է նաև «Ծառուկյան» դաշինքի ղեկավար Գագիկ Ծառուկյանը։ Վերջինը լրագրողների հետ զրույցում տեղեկացրել է, որ շատ բարձր տրամադրությամբ է եկել խորհրդարան․ «Սիրելի լրագրողներ, շատ բարձր տրամադրությամբ եմ եկել Ազգային ժողով»,- ասել է Ծառուկյանը։ Նա տեղեկացրել է, որ իրենք ընդդիմադիր են։ «Եթե համապատասխան կոալիցիայի մեջ չենք, ուրեմն ընդդիմադիր ենք»։ Հարցին՝ դաշինքում եղած խնդիրները լուծվե՞լ են, նա արձագանքել է, որ բոլոր հարցերին կպատասխանի ավելի ուշ։