Այսօր Հայաստանի Հանրապետական կուսակցության գործադիր մարմնի նիստից առաջ Ազգային ժողովի պատգամավոր, «ՍԱՍ գրուպ» սեփականատեր Արտակ Սարգսյանը անդրադառնալով իր հետ կապված սկանդալային ձայնագրությանը, լրագրողներին հորդորեց սպասել քննության ավարտին. «քննություն է ընթանում, քննությունն ավարտվի բոլոր հարցերի պատասխանները կստանաք»:
Հիշեցնենք, որ ապրիլի 13-ին համացանցում հայտնվեց
ձայնագրություն, որտեղ 2017 թվականի ապրիլի 2-ին խորհրդարանական ընտրություններից առաջ «ՍԱՍ գրուպ»-ի ղեկավարությունն աշխատակիցներին ժողովի էր հրավիրել, որտեղ քննարկել էին, թե ով ինչքան ձայն պետք է բերեր թիվ 2 ընտրատարածքում ռեյտինգային ընտրակարգով առաջադրված «ՍԱՍ գրուպի» սեփականատեր Արտակ Սարգսյանի օգտին:
Ձայնագրության առթիվ Հատուկ քննչական ծառայությունը
քրեական գործ է հարուցել: