Թուրքիայում անցած տարվա հունիսին տեղի ունեցած հեղաշրջման փորձի գործի քննության շրջանակում երկրի էներգետիկայի և կրթության նախարարությունների 85 աշխատակից է ձերբակալվել: Նրանք մեղադրվում են ԱՄՆ-ում ապաստան գտած կրոնական քարոզիչ Ֆեթուլահ Գյուլենի հետ կապեր ունենալու համար: Այս մասին այսօր հայտնել է CNN Turk լրատվականը:
Ավելի վաղ Թուրքիայում կալանքի տակ էր առնվել Cumhurriyet թերթի առցանց տարբերակի գլխավոր խմբագիր Օգուզ Գյուվենը, իսկ մինչ այդ, ձերբակալվել էր ընդդիմադիր նույն պարբերականի 10 լրագրող: Նրանց մինչև 43 տարվա ազատազրկում է սպառնում:
Հարկ է նշել, որ այսօր Վաշինգթոնում կկայանա ԱՄՆ նախագահ Դոնալդ Թրամփի և Թուրքիայի նախագահ Ռեջեփ Էրդողանի հանդիպումը: Էրդողանն Սպիտակ տան ղեկավարից կպահանջի Գյուլենի արտահանձնումը: