Արդարադատության նախարար Արփինե Հովհաննիսյանն, ինչպես հայտնի է, չի վերանշանակվի ու գործունեություն կծավալի խորհրդարանում։ Այս օրերին Արդարադատության նոր նախարարի հավանական թեկնածուների անուններն են շրջանառվում: Մասնավորապես, պաշտոնի հավակնորդներն են Աժ աշխատակազմի ղեկավար Հրայր Թովմասյանը, 5-րդ գումարման Աժ պատգամավոր Հովհաննես Սահակյանը, ՀՀ նախագահի իրավական հարցերով օգնական Հրայր Ղուկասյանը, նախկին դատախազ, նորընտիր պատգամավոր Գևորգ Կոստանյանը, ով հնարավոր է՝ ինքնաբացարկ հայտնի, Փաստաբանների պալատի նախագահ Արա Զոհրաբյանը և այլք։ Ի դեպ, Զոհրաբյանի մասով ասում են՝ փաստաբանների ծեծկռտուքի հայտնի միջադեպից հետո հնարավոր է` իշխանության պլանները փոխվեն ու կառավարությունում խուսափեն այդ նշանակումից։