Ավստրիայից քաղաքական օգնություն խնդրած ներգաղթյալը հենց այդ երկրում դատապարտվել է ցմահ ազատազրկման Սիրիայում կատարած ռազմական հանցագործության՝ 20 մարդու սպանության համար:
27-ամյա տղամարդը մեղավոր է ճանաչվել անզեն կամ էլ վիրավոր զինվորների վրա կրակ բացելու համար: Ներգաղթյալը հերքում է իր հանդեպ մեղադրանքները:
Հայտնի է, որ ներգաղթյալն, ում անունը չի հրապարակվում, ինքն է անցյալ տարի պատմել ավստրիական կենտրոնի իր հարևաններին, որ պատերազմել է իսլամիստական ապստամբ խմբավորումներից մեկի կազմում՝ կառավարական զորքերի դեմ ու սպանել նրանց զինվորներին:
Der Standard-ի տվյալներով՝ խոսքը պակիստանցի փախստականի մասին է, ով մեծացել է Հոմսի ճամբարում:
Նշենք, որ անզեն ու վիրավոր զինվորների սպանությունն արգելված է Ժնևյալ կոնվենցիայով: