Մեկնարկում է ապրիլի 2-ի ընտրությունների արդյունքում ձևավորված նորընտիր Ազգային ժողովի առաջին նստաշրջանը։ Անդրանիկ նիստը կվարի ազգային փոքրամասնության ներկայացուցիչ, քուրդ պատգամավոր Կնյազ Հասանովը, քանի որ նա տարիքով ամենամեծ պատգամավորն է: Դա ԱԺ կանոնակարգ օրենքի պահանջն է: Առաջին նստաշրջանի բացման առթիվ ողջույնի ելույթի իրավունք ունեն Հանրապետության նախագահը և Ամենայն Հայոց Կաթողիկոսը:
Նոր խորհրդարանն ունի 105 պատգամավոր, որտեղ գործելու է 4 խմբակցություն՝ ՀՀԿ, «Ծառուկյան» դաշինք, «Ելք» դաշինք և ՀՅԴ:
Խորհրդարանի առաջին նիստում փակ գաղտնի քվեարկությամբ կընտրվեն
Ազգային ժողովի նախագահն ու փոխնախագահները․ փոխնախագահներից մեկն ընդդիմադիր խմբակցության ներկայացուցիչ է լինելու։
Նկատենք, որ նոր գումարման խորհրդարանի առաջին նիստը միակ օրն է, երբ բոլոր պատգամավորներին միաժամանակ տեսնում ենք դահլիճում:
Հիշեցնենք, որ ԱԺ առաջին նիստում կառավարությունը վայր է դնում իր լիազորությունները, որից հետո 10 օրվա ընթացքում ՀՀ նախագահը նշանակում է նոր վարչապետ: Վարչապետի նշանակումից հետո 20 օրվա ընթացքում նշանակվում են կառավարության անդամները, ևս 20 օրվա ընթացքում հաստատվում է կառավարության ծրագիրը:
Ավելի վաղ ներկայացրել էինք նորընտիր խորհրդարանի
ամբողջական կազմը։