Աֆղանստանի մայրաքաղաք Քաբուլում` ամերիկյան դեսպանատան մերձակայքում, հզոր պայթյուն է որոտացել: Այս մասին հաղորդում է Reuters լրատվական գործակալությունը:
Երկրի Ներքին գործերի նախարարության հրապարակած վերջին տվյալներով` պայթյունի հետևանքով զոհվել է 8 խաղաղ բնակիչ: Վիրավորների թիվը գերազանցոմ է 25-ը:
Պայթյունն իրականացրել է մահապարտ ահաբեկիչը: Ականատեսների խոսքերով` նրա թիրախը ՆԱՏՕ-ի կոալիցիոն ուժերի զրահապատ մեքենաներն են եղել: ՆԱՏՕ-ի զինվորականների շարքերում զոհերի կամ վիավորների մասին տեղեկատվություն չկա: