ԱՄՆ հարավային և կենտրոնական նահանգներում ջրհեղեղների և տոռնադոյի հետևանքով անցած հանգստյան օրերին առնվազն 14 մարդ է մահացել: Այս մասին հայտնում է Associated Press-ը:
Ինչպես հայտնել ենք, տոռնադոն պատուհասել է Տեխաս նահանգի արևելյան մի քանի քաղաքներ: Արկանզաս նահանգում ջրհեղեղների ու փոթորկի պատճառով զոհվել է 5 մարդ: Միսսուրի նահանգում ջրհեղեղին զոհ է գնացել 2 մարդ: Թեննեսի նահանգում զոհվել է 1 աղջիկ. ուժեղ քամուց ֆուտբոլի դարպասն ընկել է նրա վրա: Եվս 2 մարդ էլ զոհվել է Միսսիսիպի նահանգում: