Բրիտանական Sunday Times պարբերականը, հղում անելով իրավապահ մարմիններին, հայտնում է, որ երկրի ոստիկանությունը մայրաքաղաք Լոնդոնում ծրագրված ևս երկու ահաբեկչությունների մասին տեղեկատվություն է ստացել:
«Ահաբեկչության ևս երկու ծրագիր կա, որոնց մենք մանրամասնորեն հետևում ենք»,- հայտնել է Մեծ Բրիտանիայի ոստիկանության հակաահաբեկչական վարչության աշխատակիցը` նշելով, որ անվտանգությունը բարձր մակարդակի է հասցված և իրավապահներն իրենց ուշադրության կենտրոնում են պահում չարագործներին:
Ծայրահեղականները, ենթադրաբար, ԴԱԻՇ և «Ալ Քաիդա» ահաբեկչական կազմավորումների ներկայացուցիչներ են:
Հիշեցնենք, որ մարտի 22-ին Լոնդոնում` Վեսթմինսթերյան կամրջին, ահաբեկչություն է տեղի ունեցել: Կամրջով անցնող ավտոմեքենան վրաերթի է ենթարկել մայթով անցնող մարդկանց, հասել խորհրդարանի շենքին, որտեղ չարագործին կանգնեցրել են իրավապահները: Ահաբեկիչը դանակով հարվածել է ոստիկանին, վերջինն ավելի ուշ մահացել է: Այդ ահաբեկչության հետևանքով 5 մարդ է զոհվել: