Հունական «Տավրոս» թիմի բասկետբոլիստ Վասիլիս Գեորգարոսը մահացել է Հունաստանի առաջնության՝ «Իոնիկոս»-ի դեմ հանդիպման ընթացքում։ 4-րդ քառորդի ընթացքում 18-ամյա մարզիկն իրեն վատ է զգացել և խնդրել փոխարինել իրեն։ Պահեստայինների նստարանին բասկետբոլիստը կորցրել է գիտակցությունը։ Մարզիչներն ու թիմակիցները փորձել են առաջին բուժօգնությունը ցուցաբերել նրան, ինչից հետո շտապօգնություն են կանչել։ Ժամանած բժիշկներն արձանագրել են մարզիկի մահը։ Պատճառները դեռևս հայտնի չեն։