Իրադարձություններ

Այսօր կառավարության նիստի ընթացքում ՀՀ վարչապետ Կարեն Կարապետյանը հայտնել է, որ աշխատանքի և սոցիալական հարցերի նախարարը, ինչպես նաև Օրենսդրության կարգավորման ազգային կենտրոնը վերջերս ներկայացրել են Աշխատանքային օրենսգրքում փոփոխություններ կատարելու առաջարկություններ, որոնք կոչված են թեթևացնել վարչական բեռը գործատուների համար: Այդուհանդերձ, վարչապետը հանձնարարական է տվել ՀՀ աշխատանքի և սոցիալական հարցերի նախարարին ու արդարադատության նախարարին:

«Այդ նախագծերի քննարկումները ցույց տվեցին, որ թեև իրենք պարունակում են խիստ անհրաժեշտ կարգավորումներ, սակայն խնդիրը շատ ավելի խորքային է, և Աշխատանքային օրենսգիրքն արմատական վերանայման կարիք ունի»,-ասել է վարչապետը` հավելելով, որ պետք է արագացնել արդեն մշակված օրենսդրական նախագծերի ընդունումը, որպեսզի իննամսյա ժամկետում նշված ուղղությամբ արձանագրվի շոշափելի առաջընթաց: