Renault ընկերությունը, որը բազում տարիներ աշխարհի ամենահայտնի ավտոմրցարշավներում ներկայացրել է իր սեփական թիմը, ցուցադրել է ապագայի մրցարշավային բոլիդի իր տեսլականը: Ըստ մշակողների՝ նմանատիպ տրանսպորտային միջոց նրանք կցանկանային տեսնել արդեն առաջիկա տասնամյակում:
Ավտոմեքենան հագեցած է հիբրիդային ուժային համակարգով, քաշը կլինի 800 կիլոգրամի սահմաններում: Այն կունենա նաև յուրաքանչյուր անիվն առանձին ղեկավարելու հնարավորություն: Բնականաբար, կլինեն մեծաքանակ ժամանակակից նորարարություններ, գործողությունների առավելագույն համակարգչայնացում: