Այսօր սահմանին մահացու վիրավորում ստացած ժամկետային զինծառայող
Նարեկ Հարությունյանը Շիրակի մարզի Լեռնուտ համայնքից էր:
Նարեկն ընտանիքի միակ որդին էր, ուներ մեկ քույր։ Հայրը երրորդ կարգի հաշմանդամ է։ Ծնողները չեն աշխատում։ Զբաղվում են գյուղատնտեսական աշխատանքներով։ Նշենք, որ ԼՂՀ նախագահ Բակո Սահակյանն ապրիլի 25-ին ստորագրել է հրամանագիր, համաձայն որի՝ Լեռնային Ղարաբաղի Հանրապետության պետական սահմանը պաշտպանելիս ցուցաբերած արիության համար ԼՂՀ պաշտպանության բանակի N զորամասի զինծառայող Նարեկ Հարությունյանը հետմահու պարգևատրվել է «Մարտական ծառայություն» մեդալով։