Հետաքրքիր է

Քեյթ անունով 18-ամյա նկարչուհին տառապում է շիզոֆրենիայով ու վահանաձև գեղձի դիսֆունկցիայով: Նա շատ դժվարին օրեր է ունենում ոչ միայն հիվանդության պատճառով, այլև՝ հասարակության վերաբերմունքի: Հասարակության մեջ կարծրատիպերի ամրապնդման համար Քեյթը մեղադրում է Հոլիվուդին ու ԶԼՄ-ներին: Փորձելով պայքարել իր հիվանդության ու հասարակության ոչ միանշանակ վերաբերմունքի դեմ՝ Քեյթը նկարում է իր հալյուցինացիաները, որպեսզի մարդկ տեսնեն ու հասկանան, թե ինչ դժվար է ապրել այդ ախտորոշման հետ. «Իմ հալյուցինացիաներում ես լսում եմ տարատեսակ ձայներ, աղմուկ ու հաճախ եմ տեսնում բզեզներ, դեմքեր ու անմարմին աչքեր՝ իմ իրերի, սենյակի պատերի վրա: Ձայներն ինձ ասում են, որ ես պետք է շուրջ բոլորս հրի մատնեմ»,- ասում է նա:
     Քեյթը նաև խոստովանում է, որ նկարելն իրեն օգնում է հիվանդության սրացումների ժամանակ: