Եգիպտացի հնագետները Լուքսորում հայտնաբերել են նոր գերեզմանատեղի, որն ստացել է «157 ճամբար» պայմանական անվանումը: Այն պատկանում է փարավոնների 18-րդ դինաստիային (Ք. ա. 1550−1292 թթ): Պեղումների ժամանակ հայտնաբերվել են տասնյակ պատկերազարդ դագաղներ և 6 լավ պահպանված մումիաներ: Գտնվել են նաև ոսկեգույն ներկված բազմաթիվ դիմակներ և փոս՝ լի հազարից ավելի հուղարկավորման ուշեբտե արձանիկներով: