Մանուել Նոյերը կարող է բաց թողնել մրցաշրջանի մնացած մասը
13:15, չորեքշաբթի, 19 ապրիլի, 2017 թ.
«Բավարիա»-ի դարպասապահ Մանուել Նոյերը վնասվածք է ստացել Չեմպիոնների լիգայի ¼ եզրափակչի՝ «Ռեալ»-ի դեմ պատասխան խաղում։ Նա լուրջ վնասել է ոտնաթաթը և կարող է բաց թողնել մրցաշրջանի մնացած մասը։ «Ռեալ»-ի հարձակվող Կրիշտիանու Ռոնալդուի երրորդ գոլի ընթացքում Նոյերը ոտնաթաթի կոտրվածք է ստացել։ Մյունխեն վերադառնալուց հետո նա բուժզննում կանցնի։ Այլ մանրամասներ հայտնի կդառնան ավելի ուշ։