Իրադարձություններ

     «Ինչպե՞ս կբացատրեք այն, որ Միքայել Մինասյանի կողմից ֆինանսավորվող թերթերն ու առցանց լրատվամիջոցները բացահայտ քարոզ էին անում «Ելք»-ի օգտին, փոխարենը` սև PR ՕՐՕ-ի ու ԲՀԿ-ի հասցեին»,- «Ազատության» ֆեյսբուքյան ասուլիսի ժամանակ օգտատերերից մեկն այսպիսի հարց ուղղեց Նիկոլ Փաշինյանին. «Այդպիսի հարցերով դիմեք Միքայել Մինասյանին, այդ թերթերին, ՕՐՕ-ին և մյուսներին»,- պատասխանեց «Ելք» դաշինքի անդամը:
     Հիշեցնենք` ֆեյսբուքյան այսօրվա հարցուպատասխանի ժամանակ Նիկոլ Փաշինյանին ուղղված հարցերի մեծ մասը նույնաբովանդակ էին: Օգտատերերը փորձում էին պարզել` ինչո՞ւ է ժողովրդի մոտ կարծիք ձևավորվել, թե Նիկոլ Փաշինյանն իշխանությունների դրածոն է: Հարցին ի պատասխան` «Ելք» դաշինքի անդամն ասել է. «Եկեք միասին շրջենք Երևանում, տեսնենք` էդ ժողովուրդը որտե՞ղ է, որ այդպես է մտածում: Որտե՞ղ են ապրում, որ նման կարծիք են հայտնում: Ես ուզում եմ հանդիպել, տեսնել իրենց: Կասկածներ ունեմ, որ վճարովի ֆեյքեր են գրողները: Իմ քաղաքական գործունեության ո՞ր դրվագն է, որ որևէ մեկին իրավունք է տալիս նման բան ասելու»: