Մոսկվայի «Լուժնիկի» մարզապալատում կայացել է MMA մարտերի երեկո, որին մասնակցել է նաև Ռուսաստանը ներկայացնող հայազգի մարտիկ Էդուարդ Վարդանյանը։ Մեր մարզիկի մրցակիցը Սիբիրյան վագր Ալեքսանդր Սարնավսկին էր։ Թեթև քաշային կարգում հանդես եկող Վարդանյանը 2-րդ ռաունդում խեղդող հնարք է կիրառել մրցակցի նկատմամբ, ինչի արդյունքում ռուս մարզիկը կորցրել է գիտակցությունը։ Բժիշկներն առաջին բուժօգնությունն են ցույց տվել մարտիկին և հոսպիտալացման կարիք չի եղել։