Մեքսիկայի հյուսիսային Սինալոա նահանգի Էլդորադո քաղաքի հիվանդանոցներից մեկի տանիքին տղամարդու դի է հայտնաբերվել: Ականատեսները պատմել են, որ օդանավը ցածր բարձրության վրա անցել է հիվանդանոցի վրայով, ինչի ընթացքում տղամարդուն ցած են նետել ինքնաթիռից: Այս մասին հաղորդում է Reuters-ը:
Աղբյուրը հայտնում է, որ ավելի ուշ Էլդորադոյի տարբեր հատվածներում ևս 2 դի է հայտնաբերվել: Տեղի լրատվամիջոցների փոխանցմամբ՝ այդ մարմինները դուրս են նետվել նույն ինքնաթիռից:
Առայժմ հայտնի չէ, թե արդյոք տղամարդիկ մահացած են եղել նախքան օդանավից գցվելը:
Նշենք, որ Սինալոա նահանգը հայտնի նարկոբարոն Հոաքին Գուսմանի ծննդավայրն է, որտեղ հզոր նարկոկարտելներն անդադար պայքարում են գերիշխող դիրք ստանալու համար: