Կենսաբանների միջազգային թիմը բնորոշում է տվել Անգոլայում ապրող պրիմատների նոր տեսակին, որը պատկանում է գալագոյանմանների ընտանիքին: Նոր տեսակն ստացել է անգոլյան թզուկ գալագո անվանումը: Դրա մեջքը մոխրա-դարչնագույն է, վերջույթներն ու փորը՝ բաց դեղնավուն, աչքերի շուրջը՝ սև շրջաններ:
Նրանք հիմնականում գիշերային կյանք են վարում ու հազվադեպ են երևում մարդկանց: Նրանց մարմնի երկարությունը տեսակի մեջ ամենամեծն է՝ 17-20 սմ, մոտ այդքան էլ փափկամազ պոչն է: Հանգստի ժամանակ այս գազանիկներն իրենց պոչը պարուրաձև փաթաթում են: