Սպիտակ հագուստները ժամանակի ընթացքում կորցնում են իրենց ձյունաճերմակ փայլը, որը հաճախ չի վերականգնվում անգամ սպիտակեցնող նյութերի ազդեցությամբ:
Այս հարցում օգնության կհասնի ջրածնի պերօքսիդը: Այն ազատում է ակտիվ թթվածինը, որը նպաստում է ճերմակեցմանը:
Ջրածնի պերօքսիդով շորերը ճերմակեցնելու համար անհրաժեշտ է 1 թեյի գդալ պերօքսիդը խառնել 2 լ ջրին, այդ լուծույթում թրջել սպիտակ իրերը 20 րոպե: Ամեն 5 րոպեն մեկ պետք է խառնել հագուստը՝ հավասարաչափ ճերմակեցման համար: Այնուհետև պարզաջրել այն մաքուր ջրով:
Իսկ սպիտակ հագուստի թևատակերից քրտնքի հետքերը վերացնելու համար 1 ճաշի գդալ քացախը ավելացնել 2 բաժակ տաք ջրին և թրջել դրա մեջ հագուստը 20 րոպե: Այնուհետև պետք է խառնել 1 ճաշի գդալ ջրածնի պերօքսիդը, 1 ճաշի գդալ աղն ու 0,5 բաժակ սոդան, մինչև որ ստացվի շիլայանման զանգված: Ջրից հանած հագուստի լաքայոտ հատվածներին քսել այդ շիլան ու թողնել ևս 20 րոպե: Այնուհետև կարելի է լվանալ սովորականի պես: